NOTANTERAHINA TETO ANTSIRANANA androany ny fanazavana ho an’ireo solontenan’ny Plateforme LEADER DU SAMBIRANO momba ny Plan Stratégique 2025–2029 izay hoentin’ny COGEBS mitantana sy miaro ny Paysage Sambirano.
Tanjona: Hampahafantarina ny paikady ho amin’ny fitantanana maharitra sy fandraisana anjara feno avy amin’ireo mpiara-miombon’antoka sy zanaky ny faritra.
Nisaotra manokana an’ny COGEBS ireo solontena tamin’ireo ezaka efa vita, sady namporisika ny hitohizan’ny ezaka ho amin’ny faharetan’ny Sambirano. Naneho fahavononana hifanome tanana sy hifanampy hatrany ireo mpikambana, ary tapaka fa hatao ao Ambanja amin’ny fotoana maha mety azy ny Fihaonam-be nasionaly sy iraisam-pirenena ho an’ny Leader zanaka Sambirano rehetra na koa atsika Zanaka Sambirano jiaby vonona hifanome tanana amin’ny fampandrosoana ny tananatsika !
Firaisankina no hery, ho an’ny fampandrosoana maharitra ny tanindrazantsika Sambirano.
COGEBS dia manokatra hatrany ny varavarana ho an’ny rehetra vonona hiara-hiasa sy hanome anjara biriky!