HIARO NY SISINDRANON’NY SAMBIRANO ISIKA REHETRA !
…………………………………………………..
Mitohy hatrany ny ezaka fiarovana ny sisin-drano ao Sambirano !
Mandray anjara mavitrika ny Fokontany Antsamala miaraka amin’ny COSAMA, ary mihamaro hatrany ireo mponina vonona hiaro ny zava-bita.
Vokatry ny fanentanana iarahan’ny COGEBS, COSAMA, HELVETAS, AJACSEE sy ireo mpiara-miombon’antoka :
Mitombo isa ny mpandray anjara Hita ny fahavononana amin’ny fiarovana sy fikojakojana
Hoy ny tanora ao Antsamala :« Vonona izahay hanohy ny fanentanana, indrindra ho an’ireo mbola tsy mahafantatra ny maha zava-dehibe ny fiarovana ny sisin-drano. »
Ilaina dia ilaina ny fambolena BARARATA fa ny tena zava-dehibe dia ny fiarovana sy fanamafisana ny zava-bita.Noho izany, hovelomina maso indray ny :
• ELS (Équipe Locale de Secours), sy
• SLC (Structure Locale de Concertation)
mba hiara-hiasa amin’ny fanatanterahana sy fampiharana ny DINA sy ny fitsipi-piarahamonina.
Misaotra an’ireo rehetra mandray anjara!Tsy hijanona isika raha tsy tratra ny tanjona napetraka any amin’ny taona 2029 !
Izay miaro ny sisin-drano dia manavotra aina.
